Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 19.96 | Dem. 19.98 (English) | >>Dem. 19.101 |
19.97εἰρήνη μὲν οὖν διʼ ἐκείνους , ἐπικίνδυνος δὲ καὶ σφαλερὰ καὶ ἄπιστος διὰ τούτους γέγονεν δωροδοκήσαντας . εἴργετʼ οὖν , εἴργετʼ αὐτὸν τῶν ὑπὲρ τῆς εἰρήνης λόγων , εἰς δὲ τοὺς ὑπὲρ τῶν πεπραγμένων ἐμβιβάζετε . οὐ γὰρ Αἰσχίνης ὑπὲρ τῆς εἰρήνης κρίνεται , οὔ , ἀλλʼ ἡ εἰρήνη διʼ Αἰσχίνην διαβέβληται . σημεῖον δέ · εἰ γὰρ ἡ μὲν εἰρήνη ἐγεγόνει , μηδὲν δʼ ὕστερον ἐξηπάτησθʼ ὑμεῖς μηδʼ ἀπωλώλει τῶν συμμάχων μηδείς , τίνʼ ἀνθρώπων ἐλύπησεν ἂν ἡ εἰρήνη , ἔξω τοῦ ἄδοξος γεγενῆσθαι ; καίτοι καὶ τούτου συναίτιος οὗτος συνειπὼν Φιλοκράτει . ἀλλʼ ἀνήκεστόν γʼ οὐδὲν ἂν ἦν γεγονός . νῦν δʼ , οἶμαι , πόλλʼ , ὧν αἴτιος οὗτος .
ὅτι μὲν τοίνυν αἰσχρῶς καὶ κακῶς πάντα ταῦθʼ ὑπὸ τούτων ἀπόλωλε καὶ διέφθαρται , οἶμαι πάντας ὑμᾶς εἰδέναι . ἐγὼ δʼ , ὦ ἄνδρες δικασταί , τοσοῦτʼ ἀπέχω τοῦ συκοφαντίαν τινὰ τοῖς πράγμασι τούτοις προσάγειν ἢ ὑμᾶς ἀξιοῦν , ὥστʼ εἰ ταῦθʼ ὑπʼ ἀβελτερίας ἢ διʼ εὐήθειαν ἢ διʼ ἄλλην ἄγνοιαν ἡντινοῦν οὕτω πέπρακται , αὐτός τʼ ἀφίημʼ Αἰσχίνην καὶ ὑμῖν συμβουλεύω .
19.99καίτοι τῶν σκήψεων τούτων οὐδεμίʼ ἐστὶ πολιτικὴ οὐδὲ δικαία . οὐδένα γὰρ τὰ κοινὰ πράττειν ὑμεῖς κελεύετε οὐδʼ ἀναγκάζετε · ἀλλʼ ἐπειδάν τις ἑαυτὸν πείσας δύνασθαι προσέλθῃ , πρᾶγμα ποιοῦντες ἀνθρώπων χρηστῶν καὶ φιλανθρώπων , εὐνοϊκῶς δέχεσθε καὶ οὐ φθονερῶς , ἀλλὰ καὶ χειροτονεῖτε καὶ τὰ ὑμέτερʼ αὐτῶν ἐγχειρίζετε .
19.98
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 19.96 | Dem. 19.98 (English) | >>Dem. 19.101 |